ហេតុអ្វីមាសឡើង ទោះបីអាត្រាការប្រាក់ដំឡើងខ្ពស់ជាងមុនក៏ដោយ?
ហេតុអ្វីមាសឡើង ទោះបីអត្រាការប្រាក់ដំឡើងខ្ពស់ជាងមុនក៏ដោយ?
អត្រាការប្រាក់ឡើង មិនមានន័យថា មាសត្រូវតែចុះជានិច្ច ទេ។
តម្លៃមាសកើតពី កម្លាំងជាច្រើនប្រកួតគ្នា ហើយពេលនេះ កម្លាំង គាំទ្រមាស ខ្លះខ្លាំងជាងផលប៉ះពាល់ពីការឡើងអត្រាការប្រាក់។
ក្រុមប្រឹក្សាមាសពិភពលោក (World Gold Council – WGC) ក៏បញ្ជាក់ថា ចាប់ពីឆ្នាំ 2022 ទំនាក់ទំនង “Real Yields ឡើង → មាសចុះ” ត្រូវបានទប់ទល់ដោយ ការទិញពីធនាគារកណ្ដាល និង តម្រូវការការពារហានិភ័យ។
ចំណុចសំខាន់ៗ
1. ទីផ្សារបាន Price-in រួចមុន
ការដំឡើងការប្រាក់ត្រូវបាន Price-inរួចមុនហើយ។ ដូច្នេះពេល Fed ដំឡើងពិតប្រាកដ អ្នកដែលបានលក់មាសមុនអាចទិញត្រឡប់វិញ (Short Covering)។
Reuters រាយការណ៍ថា ថ្ងៃទី 18 កញ្ញា មាសឡើងប្រហែល 1.2% ទៅ $4,390/oz ហើយការបិទ Short Positions ជាផ្នែកមួយនៃការឡើងនេះ។
2. Real Interest Rate សំខាន់ជាង Interest Rate ធម្មតា
គិតសាមញ្ញ៖
Real Rate ≈ Interest Rate − Inflation
បើ Fed ដំឡើងការប្រាក់ ប៉ុន្តែ Inflation នៅតែខ្ពស់ នោះ Real Rate អាចមិនឡើងខ្លាំងគ្រប់គ្រាន់ដើម្បីសង្កត់មាស។
WGC ក៏រកឃើញថា Real Rates ខ្ពស់ មិនមែនជាកត្តាអវិជ្ជមានដាច់ខាតសម្រាប់មាសទេ។
3. Geopolitical Risk និង Inflation Risk នៅតែខ្ពស់
ភាពមិនប្រាកដប្រជានៅ មជ្ឈិមបូព៌ា និង ថាមពល បានធ្វើឱ្យអ្នកវិនិយោគនៅតែត្រូវការ មាសជាទ្រព្យការពារហានិភ័យ។
WGC ចាត់ Risk & Uncertainty ជាកត្តាសំខាន់មួយដែលជំរុញមាសក្នុងឆ្នាំ 2026។
4. អត្រាការប្រាក់ឡើង អាចបង្កើនការព្រួយបារម្ភពីសេដ្ឋកិច្ច
បើទីផ្សារគិតថា ធនាគារកណ្ដាលដំឡើងខ្លាំងពេក
→ សេដ្ឋកិច្ចអាចថយល្បឿន
→ នៅពេលក្រោយ Fed អាចត្រូវបន្ធូរគោលនយោបាយ
ការរំពឹងទុកបែបនេះអាចធ្វើឱ្យ មាសឡើងមុន ពេលការកាត់អត្រាការប្រាក់កើតឡើងពិតប្រាកដ។
អត្ថបទដោយ៖ ហ៊ុន នេត្រា
Telegram: 078444061
ថ្ងៃទី ១៩ កញ្ញា ២០២៦
