ទាក់ទងទៅនឹងតម្លៃមាស យើងឃើញថា កាលពីសប្តាហ៍មុននេះ  ជារួម ហាងឆេងមាសគឺមានការកើនឡើង តាំងពីតម្លៃ 2614  រហូតដល់តម្លៃខ្ពស់បំផុតក្នុងកំណត់ត្រាថ្មី នៅតម្លៃ 2685 ដែលមានទំហំកំណើនរហូតដល់ លើសពី 70 ដុល្លារក្នុងមួយអោន ។ ឥឡូវនេះតម្លៃមាសបានរត់ ក្នុងតម្លៃស្ថិរភាព ចន្លោះពី ទម្រតម្លៃ 2650 ទៅ ពិតានតម្លៃ 2685 ដោយនៅតែរក្សាកំនើនតម្លៃខ្ពស់ដដែល ហើយរត់ប៉ប្រះលើខ្សែមេ SMA200 បើមើលតាម Timeframe M30   ដែលបង្ហាញពីទំនោរទីផ្សារកំណើន  Bull Market   នៅតែរឹងមាំ។

ទោះជាយ៉ាងណាក្នុងសប្តាហ៍ថ្មី យើងឃើញថា មានទិន្នន័យសេដ្ឋកិច្ចរបស់សហ សំខាន់ៗជាច្រើន ដែលមានឥទ្ធិពលដល់ទៅបម្រែបម្រួលហាងឆេងមាស ដូចជា

– ការឡើងថ្លែងសន្ទរកថា របស់លោក Jerome Powell ប្រធានធនាគារកណ្តាលសហរដ្ឋអាមេរិក នៅថ្ងៃអង្គារ

–ការប្រកាសទិន្នន័យរបាយការណ៍ទាក់ទង  Manufacturing PMI និង  Service PMI  នៅថ្ងៃអង្គារ៍ និងថ្ងៃព្រហ

– ចុងក្រោយ ជាទិន្នន័យសំខាន់បំផុត នោះគឺរបាយការណ៍ការងារ Non-Farm Payroll ដែលប្រកាស នៅយប់ថ្ងៃសុក្រ

មូលហេតុធំៗដែលបានរុញឲ្យតម្លៃមាស កើនឡើងយើងអាចសង្ខេបជារួមដូចខាងក្រោម

សន្ទស្សន៍ទំនុកចិត្តអ្នកប្រើប្រាស់របស់សហរដ្ឋអាមេរិក  CONSUMER CONFIDENCE បានធ្លាក់ចុះច្រើនបំផុត ក្នុងរយៈពេល 3 ឆ្នាំចុងក្រោយនេះពីអត្រា 105.6 សម្រាប់ខែ សីហា  មកដល់អត្រាត្រឹមតែ 98.7 សម្រាប់ខែកញ្ញានេះ ។

ក្រៅពីនេះ ការព្រួយបារម្ភអំពីទីផ្សារការងារក៏ កំពុងកើនឡើងពីមួយថ្ងៃទៅមួយថ្ងៃ    ការទម្លាក់អត្រាការប្រាក់ចំនួន50 ភាគរយពិន្ទុគោល របស់ហ្វេត    កំសោយនៃតម្លៃលុយដុល្លារកាន់តែច្រើនទៅៗ រួមទាំងក្តីបារម្ភពីជម្លោះប្រដាប់អាវុធនៅមជ្ឈឹមបូព៌ា សុទ្ធតែផ្តល់ជាកម្លាំងចលករ ជម្រុញតម្លៃមាសឲ្យកើនកាន់តែខ្ពស់ពីមួយថ្ងៃទៅមួយថ្ងៃជាលំដាប់។

លោក Bob Haberkorn អ្នកយុទ្ធសាស្រ្តទីផ្សារជាន់ខ្ពស់ប្រចាំក្រុមហ៊ុន RJO FUTURES បានមានប្រសាសន៍ថា: កំណើនហាងឆេងមាសនាពេលបច្ចុប្បន្ននេះយ៉ាងខ្លាំងដ៏គួរឲ្យភ្ញាក់ផ្អើលនេះ កត្តាចំបងបំផុតគឺដោយសារតែ

” ការព្រួយបារម្ភដ៏ខ្លាំងក្លា ចំពោះហានិភ័យនៅមជ្ឈិមបូព៌ា  ដែលអ៊ីរ៉ង់អាចនឹងចាត់វិធានការប្រដាប់អាវុធបន្ថែមទៀត ក្នុងជម្លោះដ៏ក្តៅគគុកនេះ ហេតុនេះហើយទើប ខ្ញុំគិតថាយើងនឹងឃើញ ពីការ កើនឡើងនូវតម្លៃហាង ឆេងមាស បន្តទៀត ដែលអាចឈានទៅដល់កម្រិតខ្ពស់ថ្មីផ្សេងទៀតក្នុងពេលឆាប់ៗនេះ”។

មេដឹកនាំចលនាហេសបូឡា ហាសាន់ ណាស្រាឡា Sayyed Hassan Nasrallah បានស្លាប់នៅក្នុងការវាយប្រហាររបស់អ៊ីស្រាអែល លើភាគខាងត្បូងក្រុងបេរ៉ូត កាលពីល្ងាចថ្ងៃសុក្រទី ២៧កញ្ញា ២០២៤។ នេះបើតាមសេចក្តីប្រកាសរបស់អ្នកនាំពាក្យយោធាអ៊ីស្រាអែល លោក ណាដាវ ស្ហូស្ហានី តាមបណ្តាញសង្គម X។ បន្តិចក្រោយមក កាពីទែន ដាវីដ អាវ្រាហាម អ្នកនាំពាក្យយោធាអ៊ីស្រាអែលម្នាក់ទៀត បានបញ្ជាក់ប្រាប់ទីភ្នាក់ងារសារព័ត៌មានបារាំងAFP ថាអ៊ីស្រាអែលកម្ចាត់ប្រមុខហេសបូឡាបានហើយ។

ប្រភពស្និទ្ធនឹងចលនាការពារអ៊ីរ៉ង់មួយ បានអះអាងនៅព្រឹកថ្ងៃសៅរ៍ទី ២៨កញ្ញានេះថា “ដាច់ទំនាក់ទំនង”ជាមួយលោកហាសាន់ ណាស្រាឡា តាំងពីល្ងាចថ្ងៃសុក្រមក។ ក្នុងអំឡុងពេល១៥ម៉ោងក្រោយការវាយប្រហារអ៊ីស្រាអែលលើទីស្នាក់ការដ៏ធំរបស់ចលនានៅជាយក្រុងបេរ៉ូតប្រទេសលីបង់ សត្រូវសួរពូជរបស់អ៊ីស្រាអែល ហេសបូឡា គ្មានចេញសេចក្តីប្រកាសជាផ្លូវការអ្វីសោះ ទាក់ទងនឹងជោគវាសនារបស់ប្រមុខដឹកនាំរបស់ខ្លួន។ 

តាំងពីថ្ងៃចន្ទទី២៣កញ្ញាមក ការវាយប្រហារអ៊ីស្រាអែលលើលីបង់ បានសម្លាប់មនុស្សអស់ជាង៧០០នាក់ ភាគច្រើនជាស៊ីវិល និងជាង១៥០០នាក់ គិតក្នុងរយៈពេលមួយឆ្នាំកន្លងមកនេះ ពោលគឺច្រើនជាងសង្គ្រាម៣៣ថ្ងៃរវាងអ៊ីស្រាអែលនិងហេសបូឡាកាលពីឆ្នាំ២០០៦ទៅទៀត៕

អ្នកវិភាគបានចង្អុលបង្ហាញថា ខណៈដែលទីផ្សារកំពុងរំពឹងគិតថា Federal Reserve និងបណ្តាធនាគារ

កណ្តាលពិភពលោកធំៗ នឹងកាត់បន្ថយអត្រាការប្រាក់បន្ថែមទៀតនាពេលអនាគត នោះតម្លៃមាសអាចនឹងបន្តកើនឡើងកាន់តែខ្ពស់ ទោះបីជាការវិភាគបែបបច្ចេកទេស បានឲ្យឃើញថា ឥឡូវនេះ “កម្រិតនៃការទិញលើស” ហាក់ដូចជា កំពុងតែកើតឡើងក៏ដោយ ។

លោក PHILLIP STREIBLE ប្រធានអ្នកយុទ្ធសាស្រ្តទីផ្សារនៃក្រុមហ៊ុន BLUE LINE Futures បាននិយាយថា តម្លៃមាសអាចនឹងហក់ឡើងដល់ 3,000 ដុល្លារ នៅឆ្នាំនេះ ដោយសារតែភាពតានតឹងនៅមជ្ឈិមបូព៌ាអាចកាន់តែខ្លាំង ស្ថានភាពថមថយនៃទីផ្សារការងារអាចនឹងបន្ត រួមទាំង ភាគរយខ្ពស់នៃការបន្តកាត់អត្រាការប្រាក់របស់ធនាគារកណ្តាល ជាពិសេស ក៏រួមមានទាំងប្រទេសចិន ផងដែរ។

ចំពោះសន្ទស្សន៍លុយដុល្លារវិញ កាលពីម្សិលមិញ យើងឃើញថា វាស្ថិតនៅក្នុងរបត់តម្លៃស្ថិរភាព ដោយរត់នៅក្នុងចន្លោះ ពិតានតម្លៃ 101.153  និងទម្រតម្លៃ 100.158 ដោយរត់នៅក្រោមខ្សែមេ SMA200  ដែលនេះបង្ហាញពីភាគរយនៃកំសោយលុយដុល្លារនៅតែខ្ពស់ នឹងអាចធ្លាក់ចុះ ប្រសិនបើទិន្នន័យក្នុងសប្តាហ៍នេះ បានប្រកាសឃើញថា មានភាពមិនល្អប្រសើរជាងការរំពឹងទុក ។

បំរែបំរួលតម្លៃ ក្នុងទំនោរបែបនេះ គឺភាគច្រើនស្ថិតនៅក្នុងសណ្ឋានចម្អែតក្នុងរបត់តម្លៃធ្លាក់ Distribution Zone។

⭐️⭐️⭐️ Contact Us – អាជ្ញាប័ណ្ណឈ្មួញជើងសារឧបករណ៍និស្សន្ទ ចុះបញ្ជី លេខ 033 ទទួលស្គាល់ដោយនិយ័តករមូលបត្រកម្ពុជា ⭐️⭐️⭐️
🏢 Exchange Square, 14th Fl, St 106, Wat Phnom, Phnom Penh Cambodia.
☎️Hotline: +855 99 777 495
📧 Email: [email protected]
💻Website: https://yaitrading.com.kh/