វ៉ាស៊ីនតោន / កៃរ៉ូ ថ្ងៃទី 8 ខែឧសភា (Reuters) — កងកម្លាំងសហរដ្ឋអាមេរិក និងអ៊ីរ៉ង់បានប៉ះទង្គិចគ្នាឡើងវិញនៅតំបន់ឈូងសមុទ្រ ខណៈប្រទេសអារ៉ាប់រួម (UAE) ក៏រងការវាយប្រហារឡើងវិញផងដែរ ដែលបានបង្កការព្រួយបារម្ភថា បទឈប់បាញ់ដែលមានរយៈពេលជាងមួយខែកន្លងមក អាចនឹងបរាជ័យ។

ការប៉ះទង្គិចនេះបានកើតឡើង ខណៈទីក្រុងវ៉ាស៊ីនតោនកំពុងរង់ចាំការឆ្លើយតបពីអ៊ីរ៉ង់លើសំណើសន្តិភាពថ្មី ដើម្បីបញ្ចប់សង្គ្រាមដែលបានចាប់ផ្តើមពីការវាយប្រហារតាមអាកាសរួមគ្នារវាងអាមេរិក និងអ៊ីស្រាអែល កាលពីថ្ងៃទី 28 ខែកុម្ភៈ។

លោក Donald Trump បានបញ្ជាក់ថា នាវាពិឃាតរបស់កងទ័ពជើងទឹកអាមេរិកចំនួន 3 គ្រឿង ត្រូវបានវាយប្រហារខណៈកំពុងឆ្លងកាត់ច្រកសមុទ្រ Hormuz ដែលជាច្រកដឹកជញ្ជូនប្រេង និងឧស្ម័ន LNG សំខាន់បំផុតមួយរបស់ពិភពលោក។

លោក Trump បានសរសេរនៅលើ Truth Social ថា៖

“នាវាពិឃាតអាមេរិក 3 គ្រឿងបានឆ្លងកាត់ច្រក Hormuz ដោយជោគជ័យ ទោះស្ថិតក្រោមការបាញ់ប្រហារក៏ដោយ។ មិនមានការខូចខាតលើនាវាអាមេរិកទេ ប៉ុន្តែភាគីវាយប្រហារអ៊ីរ៉ង់បានរងការខូចខាតយ៉ាងខ្លាំង”។

បន្ទាប់មក លោក Trump បានប្រាប់អ្នកសារព័ត៌មានថា បទឈប់បាញ់នៅតែមានសុពលភាព ហើយព្យាយាមបន្ថយភាពធ្ងន់ធ្ងរនៃហេតុការណ៍នេះ។

ជាផ្នែកឆ្លើយតប អ៊ីរ៉ង់បានចោទថា អាមេរិកបានរំលោភបទឈប់បាញ់ ដោយវាយប្រហារលើនាវាដឹកប្រេងអ៊ីរ៉ង់ និងតំបន់ស៊ីវិលនៅកោះ Qeshm និងតំបន់ឆ្នេរសមុទ្រជិតខាង។ អ៊ីរ៉ង់បានអះអាងថា ខ្លួនបានវាយតបលើនាវាយោធាអាមេរិកនៅភាគខាងកើតច្រក Hormuz និងភាគខាងត្បូងកំពង់ផែ Chabahar។


Market Impact (ផលប៉ះពាល់ទីផ្សារ)

Gold
• ឡើងវិញ (safe-haven demand កើនឡើង)
• ទីផ្សារភ័យខ្លាចពី ceasefire collapse

Oil
• ឡើងខ្លាំង
• Hormuz tension = supply risk

Stocks
• សម្ពាធឡើងវិញ
• Risk-off sentiment ត្រលប់មកវិញ

USD
• ឡើង (safe-haven flow)


អត្ថបទដោយ៖ Y.A.I 
ប្រភព៖ Reuters
ថ្ងៃខែឆ្នាំ៖ 08 ឧសភា 2026