Commerzbank បាននិយាយថាការកាត់បន្ថយអត្រាការប្រាក់នៅឆមាសទី 2 របស់ធនាគារកណ្តាលសហរដ្ឋអាមេរិក នឹងជំរុញឱ្យមាសឡើងដល់ 5,000 ដុល្លារក្នុងមួយអោន និងប្រាក់ឡើងដល់ 90 ដុល្លារក្នុងមួយអោនវិញ។

យោងទៅតាម Technical នឹង Fundamental កាលពីសប្តាហ៍មុនបានធ្វើឲ្យតម្លៃហាងឆេងមាសមានការធ្លាក់ចុះខ្លាំងហើយតម្លៃមាសបានធ្លាក់ចុះដល់ Support ដែលនៅលើខ្សែកោង Moving Average  200 (Time Frame D1) ហើយមាសបានក៏បានបញ្ចប់ការធ្លាក់ចុះរយៈពេល3សប្តាហ៍ជាប់គ្នា ខណៈពេលនោះតម្លៃប្រេងនៅតែបន្តការកើនឡើង។

អ្នកវិភាគនៅ Commerzbank បាននិយាយថា ទោះបីជាមានការធ្លាក់ចុះគួរឱ្យកត់សម្គាល់ក្នុងរយៈពេលពីរខែកន្លងមកនេះក៏ដោយ ក៏ពួកគេនៅតែមានសុទិដ្ឋិនិយមលើលោហៈដ៏មានតម្លៃនេះ(មាស)។

ធនាគារ Commerzbank មើលឃើញថាតម្លៃមាសនឹងបញ្ចប់នៅឆ្នាំនេះប្រហែល 5,000 ដុល្លារក្នុងមួយអោនដែលCommerzbank រំពឹងថាការកើនឡើងរបស់មាសនឹងបន្តរហូតដល់ឆ្នាំ 2027 ដោយតម្លៃនឹងបញ្ចប់នៅឆ្នាំក្រោយនៅ 5,200 ដុល្លារក្នុងមួយអោន។

លោកស្រី Thu Lan Nguyen Head of FX and Commodity Research at Commerzbank បាននិយាយនៅក្នុងរបាយការណ៍ថា លោកស្រីរំពឹងថាសង្គ្រាមនៅអ៊ីរ៉ង់នឹងបញ្ចប់មុនរដូវក្តៅ ដែលនឹងបង្ខំឱ្យទីផ្សារកំណត់តម្លៃឡើងវិញយ៉ាងសកម្មនូវការកាត់បន្ថយអត្រាការប្រាក់។

មាសបានតស៊ូមួយផ្នែកដោយសារតែសង្គ្រាមនៅអ៊ីរ៉ង់បានបង្កើតបញ្ហាខ្សែសង្វាក់ផ្គត់ផ្គង់សំខាន់ៗនៅក្នុងទីផ្សារថាមពលសកល ដែលជំរុញឱ្យតម្លៃប្រេងកើនឡើងយ៉ាងខ្លាំង។ តម្លៃថាមពលខ្ពស់កំពុងបង្កើនការរំពឹងទុកអតិផរណា ដែលទីផ្សារជឿថានឹងបង្ខំឱ្យធនាគារកណ្តាលសហរដ្ឋអាមេរិករក្សាជំហរគោលនយោបាយរូបិយវត្ថុអព្យាក្រឹតរបស់ខ្លួន។

លោក Nguyen បានមានប្រសាសន៍ថា យើងថែមទាំងរំពឹងថាធនាគារកណ្តាលសហរដ្ឋអាមេរិកនឹងបន្តវដ្តកាត់បន្ថយអត្រាការប្រាក់របស់ខ្លួននៅចុងឆ្នាំនេះ និងបន្ថយអត្រាការប្រាក់គោលរបស់ខ្លួនចំនួន 75 bps នៅពាក់កណ្តាលឆ្នាំក្រោយ។ ក្នុងពេលជាមួយគ្នានេះ អតិផរណារបស់សហរដ្ឋអាមេរិកទំនងជានឹងស្ថិតនៅកម្រិតខ្ពស់ជាងគោលដៅអតិផរណានៅឆ្នាំខាងមុខ។ សរុបមក៖ អត្រាការប្រាក់ពិតប្រាកដរបស់សហរដ្ឋអាមេរិកទំនងជាធ្លាក់ចុះក្នុងរយៈពេលវែង ដែលជាឱកាសនៃការទិញមាស។

ធនាគារ Commerzbank ក៏មានសុទិដ្ឋិនិយមលើប្រាក់ ដែលបានតស៊ូជាមួយមាស។ ធនាគារអាល្លឺម៉ង់មើលឃើញតម្លៃប្រាក់កើនឡើងដល់ ៩០ ដុល្លារនៅចុងឆ្នាំ និងកើនឡើងដល់ 95$ ដុល្លារនៅចុងឆ្នាំ 2027ផងដែរ ។

អត្ថបទនិងវិភាគដោយ៖ អ៊ុយ ចិត្រា

ថ្ងៃខែឆ្នាំ៖ 31 មិនា 2026

ប្រភព : kitco.com