នៅក្នុងសប្ដាហ៍នេះទីផ្សាររូបិយប័ណ្ណ បានដំណើរការដោយភាពប្រុងប្រយ័ត្ន ដោយសារតែប្រាក់ដុល្លារនៅតែ បន្ដធ្លាក់ចុះនៅក្នុងថ្ងៃចន្ទសប្ដាហ៍នេះ បន្ទាប់ពីទិន្នន័យកាលពីសប្តាហ៍មុនបានបង្ហាញថាអតិផរណារបស់សហរដ្ឋអាមេរិកនៅតែរក្សាបានស្ថេរភាពនៅក្នុងខែមេសាដែលជាសញ្ញាបង្ហាញថាធនាគារកណ្តាលអាមេរិកអាចនឹងពន្យារពេលក្នុងការកាត់បន្ថយអត្រាការប្រាក់។

ប្រាក់ដុល្លារបានបង្ហាញពីការធ្លាក់ចុះជាលើកដំបូងក្នុងឆ្នាំ ២០២៤ នេះកាលពីកំឡុងខែឧសភាដោយសារតែការរំពឹងទុកសម្រាប់ការកាត់បន្ថយអត្រាការប្រាក់ត្រូវបានប្រួលប្រែ ។ យោងតាមទីផ្សារបានព្យាការណ៍ក្នុងឱកាស ៣៧ (Bps) សម្រាប់ការកាត់បន្ថយអត្រាការប្រាក់ក្នុងឆ្នាំ ២០២៤ នេះបន្ទាប់ពីទិន្នន័យកាលពីថ្ងៃសុក្របានបង្ហាញថាសន្ទស្សន៍ (PCE) បានកើនឡើង 0.៣% កាលពីខែមុនផ្គូផ្គងនឹងការកើនឡើងដែលមិនមានការប្រួលប្រែកាលពីខែមីនា ។ ឥឡូវនេះវិនិយោគិនភាគច្រើន បានកំណត់ក្នុងឱកាស ប្រហែល ៥៣% ថានឹងអាចមានការកាត់បន្ថយអត្រាការប្រាក់នៅក្នុងខែកញ្ញាធៀបនឹងប្រហែល ៤៩% មុនពេលចេញផ្សាយរបាយការណ៍។

សន្ទស្សន៍ប្រាក់ដុល្លារ ដែលវាស់រូបិយប័ណ្ណអាមេរិក ធៀបនឹងនៃគូរូបិយប័ណ្ណ ចំនួនប្រាំមួយផ្សេងទៀត បានធ្លាក់ចុះទាបជាង 0.0៦៧% ដោយបានឈរក្នុងតម្លៃ ១០៤.៥១ សម្រាប់ថ្ងៃចន្ទសប្ដាហ៍នេះ ។ គួរអោយកត់សម្គាល់ថា សន្ទស្សន៍ដុល្លារបាន ធ្លាក់ចុះចំនួន ១.៥៦% រួចហើយចាប់តាំងពីក្នុងខែឧសភា។

ខណៈប្រាក់ផោនអង់គ្លេស បានឡើងថ្លៃចំនួន 0.0៤% បានស្ថិតក្នុងតម្លៃ $១.២៧៤៧៥ ខណៈប្រាក់អឺរ៉ូចុងក្រោយ បានឈរក្នុងតម្លៃ $១.0៨៥៣២៥ មុនពេលកិច្ចប្រជុំគោលនយោបាយ របស់ធនាគារកណ្តាលអឺរ៉ុប ( ECB ) នឹងមកដល់ក្នុងថ្ងៃព្រហស្បតិ៍សប្ដាហ៍នេះ ស្របពេលដែលធនាគារកណ្តាលអឺរ៉ុបត្រូវបានគេមើលឃើញថាអាចនឹងមានការកាត់បន្ថយអត្រាការប្រាក់។

ទន្ទឹមនឹងនេះទិន្នន័យ ដែលបានចេញផ្សាយកាលពីថ្ងៃសុក្រ ដោយក្រសួងហិរញ្ញវត្ថុ របស់ប្រទេសជប៉ុន បានបញ្ជាក់ថាអាជ្ញាធរជប៉ុនបានចំណាយប្រាក់ចំនួន ៩.៧៩ ពាន់ពាន់លានយ៉េន ( ដែលស្មើរនិង ៦២.២៣ ពាន់លានដុល្លារ ) ដើម្បីធ្វើការអន្តរាគមន៍នៅក្នុងទីផ្សារប្តូរប្រាក់បរទេសដើម្បីគាំទ្រ ដល់ប្រាក់យ៉េនក្នុងរយៈពេល មួយខែកន្លងមកនេះ ។ ដោយប្រាក់យ៉េន បានឈរនៅក្នុងតម្លៃ ១៥៧.១៥ ធៀបនឹងប្រាក់ដុល្លារក្នុងការជួញដូរដំបូងសម្រាប់សប្ដាហ៍នេះ។ យោងតាមប្រភពពី៖ Investing.com

⭐️⭐️⭐️ Contact Us – អាជ្ញាប័ណ្ណឈ្មួញជើងសារឧបករណ៍និស្សន្ទ ចុះបញ្ជី លេខ 033 ទទួលស្គាល់ដោយនិយ័តករមូលបត្រកម្ពុជា ⭐️⭐️⭐️
🏢 Exchange Square, 14th Fl, St 106, Wat Phnom, Phnom Penh Cambodia.
☎️Hotline: +855 99 777 495
📧 Email: [email protected]
💻Website: https://yaitrading.com.kh