ប្រធានធនាគារកណ្តាលអាមេរិកលោក Jerome Powell បានគូសបញ្ជាក់សារជាថ្មីកាលពីថ្ងៃទី ១៤ ខែ ឧសភា ថាអតិផរណានៅសហរដ្ឋអាមេរិកកំពុង ធ្លាក់ចុះយឺតជាងការរំពឹងទុក ហើយលោករំពឹងថា ធនាគារកណ្តាលអាមេរិក អាចនឹងបន្តពន្យារពេលក្នុងការកាត់បន្ថយអត្រាការប្រាក់។ នេះបើយោងតាមការចុះផ្សាយរបស់សារព័ត៌មាន CNBC។

ថ្លែងក្នុងកិច្ចប្រជុំប្រចាំឆ្នាំ នៃសមាគមធនាគារបរទេស នៅទីក្រុងអាំស្ទែដាម (Amsterdam) ប្រទេសហូឡង់ ។ ប្រធានធនាគារកណ្តាលអាមេរិកលោក Jerome Powell បានធ្វើការកត់សម្គាល់ថា អតិផរណាដែលបានហក់ឡើងយ៉ាងឆាប់រហ័សនៅសហរដ្ឋអាមេរិកក្នុងឆ្នាំ ២០២៣ កន្លងទៅបានថយចុះ គួរឱ្យកត់សម្គាល់នៅក្នុងឆ្នាំ ២០២៤ នេះដែលជាហេតុនាំឱ្យមាន ការគិតគូរឡើងវិញថាគួរដាក់ចេញនូវគោលនយោបាយបែបណា។

សម្រាប់អ្នកជំនាញរូបនេះមិនរំពឹងថាផ្លូវខាងមុខនឹងរលូនស្រួលនោះទេ ។ ប៉ុន្តែកម្រិតអតិផរណាគឺនៅតែខ្ពស់ជាងអ្វីដែលអ្នកគ្រប់គ្នារួមទាំងលោកបានរំពឹងទុកទាមទារឱ្យគ្រប់គ្នាមានការអត់ធ្មត់និងទុកឱ្យគោលនយោបាយជាតិជាអ្នកដោះស្រាយលើបញ្ហាទាំងនេះ។

ទោះបីជាលោករំពឹងថាអតិផរណានឹងបន្តធ្លាក់ចុះនៅក្នុងឆ្នាំ ២០២៤ នេះយ៉ាងណាក្ដីប៉ុន្តែលោកបានធ្វើការកត់សម្គាល់ថា ការធ្លាក់ចុះគួរឱ្យកត់សម្គាល់ ទាំងនោះមិនទាន់បានកើតឡើង នៅឡើយទេរហូតមកដល់ពេលនេះ ។ ដូច្នេះធនាគារកណ្ដាលអាមេរិកអាចនឹងបន្តពន្យារពេលកាត់បន្ថយអត្រាការប្រាក់ ។ ទោះបីជាយ៉ាងណាលោក Jerome Powell ក៏បានគូសបញ្ជាក់ជាថ្មី ដែរថាលោករំពឹងថាធនាគារកណ្ដាលអាមេរិកនឹងមិនដំឡើងអត្រាការប្រាក់បន្ថែមនោះឡើយ។

សូមបញ្ជាក់ថាអត្រាការប្រាក់ នៅសហរដ្ឋអាមេរិកនា ពេលបច្ចុប្បន្នគឺស្ថិត ក្នុងរង្វង់ចន្លោះពី ៥,២៥% ទៅ ៥,៥% ហើយបើទោះជាអត្រាការប្រាក់នេះ ត្រូវបានរក្សាទុកដោយគ្មានការប្រែប្រួល ចាប់តាំងពីខែកក្កដា ឆ្នាំ២០២៣ មកយ៉ាងណាក្ដីក៏អត្រាការប្រាក់នេះនៅតែស្ថិតក្នុងវកម្រិតខ្ពស់នៅឡើយ។ យោងតាមប្រភពពី៖ cambonomist

⭐️⭐️⭐️ Contact Us – អាជ្ញាប័ណ្ណឈ្មួញជើងសារឧបករណ៍និស្សន្ទ ចុះបញ្ជី លេខ 033 ទទួលស្គាល់ដោយនិយ័តករមូលបត្រកម្ពុជា ⭐️⭐️⭐️
🏢 Exchange Square, 14th Fl, St 106, Wat Phnom, Phnom Penh Cambodia.
☎️Hotline: +855 99 777 495
📧 Email: [email protected]
💻Website: https://yaitrading.com.kh